Gagauziya M.V. Maruneviç adına Bilim-aaraştırma merkezinin zaametçileri andılar gagauz yazıcısını D. Kara Çobanı

Anılmış gagauz yazıcının, poetin, resimcinin, rejisörun, cümnä zaametçisinin hem hertarafça talantlı adamın, Dmitriy Kara Çobanın, 84-cü yıldönümünä Gagauziya M.V. Maruneviç adına Bilim-aaraştırma merkezinin zaametçileri çiçek koydular Kara Çobanın Beşalma küüyündä bulunan mezarına hem Şan aleyasında bulunan büstuna.

Dmitriy Kara Çobanın yaşaması zordu, ama bir taraftan olȇr bir örnek, nicä vermää bütün üreeni, izmet ederäk gagauz halkına.
İlk yaratmalarını yazarkan Dmitriy Nikolaeviç karşılaştırardı onnarı rus klasiklerin, ölä nicä Lev Tolstoy, İvan Turgenev, Anton Çehov, yaratmalarınnan. Yaratmaların baş geroylarının harakterleri hem süretleri benzeşärdilär insannarlan, angıları bulunardı yazıcının yanında.
Dmitriy Kara Çoban tipardan çıkardı on şiir hem proza toplumu. Kendi prozaik yaratmalarında o kalkındı dünnä literatura uuruna. Annatmalarında var original süjetlär, kendi stilindä Dmitriy Nikolaeviç pek çok işläärdi hem doldurardı onu milli özelliklärlän.

 

Дополнительная информация