Gavril Gaydarcı – üüredici, bilim adamı, yazıcı
Gavril Gaydarcı – bilimci hem poet, talantlı pedagog. Kendi ömürünü, becermeklerini, vergisini bu anılmış adam koydu gagauz kulturasının, yazının, filologiyanın korunmasına hem gelişmesinä. O çok çalıştı, ki bizä etişsin dedelerimizin mirası hem ruh paalılıkları.
Keskin fikirli, aarif hem yaradıcı olarak, o herkerä becerärdi bitkiyädän vermää kendisini sevgili zanaatına – butakımdı Gavril Gaydarcı. Bu üzerä bizim büük borcumuz unutmamaa bu gözäl adamı, da ömür boyunca hatır gütmää onun zaametinä hem yaradıcılıına.
Fevralın 14-ündä, gündä, açan Gavril Gaydarcı can verdi, onun ana küüyündä, Kırbaalıda, açıldı anıt. Şindi hepsi küülülerin olacek kolayı koymaa çiçek Gavril Arkadyeviçin anıtına küüyün merkezindä.
Anıtın açılmasına katıldı Gagauziya Başkanı Evgeniya Guţul, Gagauziya Halk Topluşu deputatları, Gagauziya BAM başı hem zaametçileri, küü administraţiyası, avtorun senseleleri hem küü yaşayannarı.
Anıtın açılmasından sora hepsi musaafirlär toplandı küüyün Kultura evindä, neredä sölendi çok sıcak laf Gavril Gaydarcı için hem yapıldı prezentaţiya Petri Çebotarın “Gavril Gaydarcı – üüredici, bilim adamı, yazıcı” kiyadına.
