Halklararası ana dili günü nışannanȇr fevralın 21-ndä. Bu yortuyu kabletti UNESCO, aniki önem vermää ana dillerinin korumasına hem kurtarmasına. Dünnedä 6000 zeedä dil var, onnardan çoyu kayıp halında bulunȇr.

Bu yortu günü düzennener çeşitli sıralar, angıların neeti yaygınnamaa hem korumaa ana dilini. Türlü memleketlerdä geçiriler ana dilindä konferenţiyalar, sergilär, lingvistika konkursları, konţertlär hem literatura okumakları.

Halklararası ana dili günü gösterer çokdillilik önemini dä, netürlü çokdillilik yardım eder korumaa dünnä halklarının kultura hem dil mirasını.

Bitki vakıt çok devlet kabletti ana dilini korumak hem desteklemäk için kanonnarı hem programaları. Ama, ki korumaa çeşitli dillär hem kulturalar zenginniini, lääzım çok taa çalışmaa.

Teklif ederiz hepsini kutlamaa bu günü, gösterip kendi sevgimizi hem saygımızı ana dilimizä hem dä başka halkların dillerinä.