Gagauziya M. V. Maruneviç adına BAM dil, literatura hem folklor bölümü slavänca hem gagauzça «Saatlar» kiyadını hazırlayannarlan toplantı geçirdi. İş grupası belli etti bu basımın konţepţiyasını, strukturasını hem içindekilerini, nışannadı onun düzenini.

Toplantıda incelendi dartışmalı soruşlar, bakıldı kullanılmış leksika, çeviri variantları, teklif edildi çözüm problemni durumnara. BAM hem Komrat blagoçiniyasının öndercileri, Gagauziyada çalışan iereylär, kliros temsilcileri kendi fikirlerini paylaştılar, nasaatlarını açıkladılar gagauzça slujbaların taa uygun geçirilmesi için.