“Lingvistika yaz okulu”
Komratta “Lingvistika yaz okulu”: oyunun yardımınnan gagauz dili
Komratta S. Kuroglu adına gimnaziyada geçer sarp yaz okulu, angısı birleştirdi iki üüretim kurumun, S. Kuroglu adına gimnaziyanın hem G. Gaydarcı adına liţeyin, başlankı klaslar üürenicilerini. Avgustun 4-ündän 22-sinä kadar burada çalışȇr “Lingvistika yaz okulu”, neredä oyun formasında uşaklar üürenerlär gagauz dilini. Bu denemä bir proekt, angısını başlattı Gagauziya M.V. Maruneviç adına Bilim-aaraştırma merkezi barabar Gagauziya Genel üüretim bakannıınnan.
________________________________________
Proektin özellikleri hem neetleri :
Okulun baş neeti – göstermää uşaklara, ani dilin üürenilmesi var nicä olsun meraklı hem şen. Can sıkıcı urokların hem kurallar üürenmenin erinä okula katılannar daalȇȇrlar dil ortamına oyunnarın, artistik sınışların hem interaktiv derslerin yardımınnan. Butakım, uşaklar diil sade üürenerlär eni lafları hem gramatika konstrukţiyalarını, ama geliştirerlär kendi lafetmäk becermeklerini, kaaviledip baalantısını gagauz halkının kulturasınnan hem adetlerinnän.
Proektin özellii onun yaklaşımında. “Lingvistika yaz okulu” – diil sadä gagauz dili kursları, ama gerçek üüretim kvesti, neredä her gün var eni seremcelär. Kullanarak gagauz dilini, uşaklar katılȇrlar master-klaslara, çalȇrlar türküleri, koyȇrlar küçük spektaklileri hem zanaatlanȇrlar el işlerinnän. Bölä yaklaşım verer kolaylık aşmaa dil engellerini da başlamaa serbest lafetmää.
Türlü master-klasları vermää deyni okula geler anılmış çalgıcılar, resimcilär, zanaatçılar, yazıcılar, ne vakıdı okulda yapȇr taa meraklı hem şen.
________________________________________
Sonuçlar hem perspektivalar :
Okul çalışmanın ilk haftaları gösterdilär, ani bölä üürenmäk formatı pek efektiv. Üürenicilär büük havezlän katılȇrlar derslerä, iniţiativayı göstererlär hem hoşluklan lafederlär gagauz dilindä. Proektin öndercileri umutlanȇrlar, ani “Lingvistika yaz okulu” çalışacek her yıl, da bu görgü kullanılacek Gagauziyanın başka üüretim kurumnarında da.
Proektin başlatıcıları, özelliklän, M.Maruneviç adına BAM direktoru İrina Anatolyevna Konstantinova, nışannadı, ani butakım yaklaşım pek önemni gagauz dilinin korunması hem gençlerin arasında yayınnaması için. Proektin özellii onda da, ani proţesä aktiv katılȇr uşakların hem anaları-bobaları, hem däduları, babuları, angıları yardım ederlär yazdırmaa evelki hem zamandaş zanaatları hem işleri, annadȇrlar eski gagauz oyunnarı için, gagauz giiyimneri için. İnteresli oyunnar için aktiv kullanılȇr zamandaş tehnologiyalar, angıları vererlär kolaylık yaraştırmaa, analiz yapmaa, çıkış yapmaa, meraklandırıp uşakları dilin üürenmesinä. Üüretim geçer oyun, raat durumda, neredä uşaklar devamnı katılȇrlar türlü yaşayış temalarda sadä dialoglara.
Siz nicä düşünersiniz, var mı nicä bölä proektlär diiştirsinnär uşakların ilişkisini ana dilinä?
«Lingvistika yaz okulu»
Летний лагерь «Lingvistika yaz okulu» в Комрате: гагаузский язык через игру.
В гимназии имени С. Курогло в Комрате проходит необычный летний лагерь, который объединил учеников начальных классов из двух учебных заведений — гимназии имени С. Курогло и лицея имени Г. Гайдаржи. С 4 по 22 августа здесь проходит лингвистический лагерь «Lingvistika yaz okulu», где дети изучают гагаузский язык в игровой форме. Этот проект стал пилотным и был инициирован Научно-исследовательским центром имени М. В. Маруневич совместно с Главным управлением образования Гагаузии.
________________________________________
Особенности проекта и его цели:
* Основная цель лагеря — показать детям, что изучение языка может быть увлекательным и весёлым. Вместо скучных уроков и зубрежки правил, участники лагеря погружаются в языковую среду через игры, творческие задания и интерактивные занятия. Таким образом, дети не только усваивают новые слова и грамматические конструкции, но и развивают коммуникативные навыки, а также укрепляют свою связь с культурой и традициями гагаузского народа.
* Уникальность проекта заключается в его подходе. «Lingvistika yaz okulu» – это не просто курсы гагаузского языка, а настоящий образовательный квест, где каждый день – это новое приключение. Дети участвуют в мастер-классах, поют песни, ставят небольшие спектакли и занимаются рукоделием, используя при этом гагаузский язык. Такой подход позволяет им преодолеть языковой барьер и начать свободно общаться.
* В лагерь приезжают известные певцы, художники, ремесленники, писатели, чтобы показать детям мастер-классы, что делает времяпровождение в лагере более интересным и оживлённым.
________________________________________
Результаты и перспективы:
* Первые недели лагеря показали, что такой формат обучения очень эффективен. Ученики с большим энтузиазмом участвуют в занятиях, проявляют инициативу и с удовольствием общаются на гагаузском. Руководство проекта надеется, что «Lingvistika yaz okulu» станет ежегодным событием, и этот опыт будет внедрён и в других учебных заведениях Гагаузии.
* Инициаторы проекта, в частности директор НИЦ имени М. Маруневич Ирина Анатольевна Константинова отмечает, что подобный подход к обучению имеет большое значение для сохранения и популяризации гагаузского языка среди молодого поколения. Особенность этого проекта ещё в том, что в этот процесс активно включаются и родители детей, бабушки и дедушки, которые помогают детям в описании старинных и современных ремёсел и занятий, рассказывают про старинные гагаузские игры, гагаузскую одежду. Для интересных игр активно используются современные технологии, которые позволяют сравнивать, анализировать, делать выводы, вызывать неподдельный интерес у детей к языку. Всё проходит в игровой, непринуждённой обстановке, где дети становятся постоянными участниками простых диалогов на любую бытовую тему.
Как вы считаете, смогут ли такие проекты изменить отношение детей к изучению родного языка?