К 90-ЛЕТИЮ СО ДНЯ РОЖДЕНИЯ ФЕДОРА АНГЕЛИ
TODUR ANGELİNİN DUUMA GÜNÜN 90-CI YILDÖNÜMÜNÄ
FİLOLOG, DİPLOMAT, POLİTİK
Todur Angeli duudu oktäbrinin 24-dä 1935-ci yılda Haydar küüyündä (şindiki zamanında – Çadır-Lunga rayonu, Gagauziya, Moldova Respublikası).
Gagauzların istoriyasında Todur Angeli braktı silinmäz iz jurnalistika, politika, diplomatiya hem bilim uurunda. Taa küçüklüündän islää üürenärdi, akıllı, hesaplı hem çalışkan çocuktu. Çabuk kavrardı yabancı dilleri. Orta şkoladan sora başardı Moskvadakı en prestijli universiteti. İrmi dokuz yaşında korudu disertațiyasını da oldu filologiya bilgilerindä kandidat.
Çok yıl çalıştı Bukureştä özel korespondent Sovet Birliinin en büük basım organnarında («Pravda» gazetası, «Novosti» agentstvosu). Dönüp Moldaviyaya, zaamet etti üüsek postlarda, seçildi Parlament deputatı, oldu baamsız Moldova Respublikasının büük elçisi Ankarada. Aktiv katılardı cümnä işlerinä, herbir problemaya onun vardı kendi bakışı – hererdä geçärdi sözü. Hiç bir zaman unutmardı duuma küüyünü – herbir kolaylık oldukça dolaşardı ana-boba evini, lafa durardı hem küü başlarınnan, hem sıradan insannarlan.
Ayırı lääzım urgulamaa, ani Todur Angelinin fikir zenginnii hem diplomat talantı faydalı oldu o dartışmalı dönemdä, açan karar alınardı Gagauz
Avtonomiyasının kaderi için.
Pensiya yaşlarında da haylak hiç durmazdı – hep yazardı statya, kiyat,
aaraştırardı Gagauziyanın, Moldovanın hem Türkiyanın istoriyasını. Bundan
kaarä, hazırlardı soydaşlarına deyni sözlük, sözleşmäk kiyadı, çevirärdi gagauz
dilinä komşu halkların klasiklerini, savaşardı gagauzlar taa ii üürensinnär diil
sade ana dilini hem rusçayı, ama Moldova Respublikasının devlet dilini dä.
Todur Angeli raametli oldu iyünün 29-da 2014-cü yılda Kişinövda. Mezarı bulunêr oradakı Merkez (Armän) mezarlıında.
Onun adını 2014-cü yıldan beeri taşıyêr Haydar gimnaziyası, neredä 1945–1952-ci yıllarda şannı vatandaşımız başardıydı 7 klas.
2024-cü yılda Gagauziya M. V. Maruneviç adına Bilim-aaraştırma merkezindä hazırlandı hem tiparlandı toplum – «Todur Angeli: folklor tekstleri, istoriya sayfaları, sözlükçülük». Bu topluma girdi Todur Angelinin çalışmaları, angıları baalı gagauzologiya disțiplinasınnan: aazdan halk yaratmaları, avtorun istoriya uurunda aaraştırmaları, hazırladıı sözlüklerdän materiallar. Kiyadın «Personaliya» bölümündä verildi Todur Angeli için aklına getirmeklär, onun bibliografiyasını hem fotografiyalarını.
К 90-ЛЕТИЮ СО ДНЯ РОЖДЕНИЯ ФЕДОРА АНГЕЛИ
ФИЛОЛОГ, ДИПЛОМАТ, ПОЛИТИК
Федор Ангели родился 24 октября 1935 года в селе Гайдар (в настоящее время – Чадыр-Лунгский район, Гагаузия, Республика Молдова).
В истории гагаузов Федор Ангели оставил неизгладимый след в области журналистики, политики, дипломатии и науки. Еще с детских лет хорошо учился, был умным, смекалистым и трудолюбивым мальчиком. Быстро осваивал иностранные языки. После средней школы окончил самый престижный московский университет. В 29 лет защитил диссертацию и стал кандидатом филологических наук.
Многие годы трудился в Бухаресте собственным корреспондентом самых крупных печатных органов Советского Союза (газета «Правда», агентство «Новости»). Возвратившись в Молдавию, занимал высокие должности, был избран депутатом парламента, стал полномочным послом суверенной Республики Молдова в Анкаре. Активно участвовал в общественной жизни, на каждую проблему у него был свой взгляд – повсюду его слово имело вес. Никогда не забывал о родных местах – при каждом случае навещал родительский дом, беседовал и с руководителями села, и с рядовыми жителями.
Особо следует отметить, что богатство ума и дипломатический талант Федора Ангели пригодились в период дискуссий, когда решалась судьба Гагаузской автономии.
И в пенсионном возрасте он не предавался праздности – всё писал статьи, книги, изучал историю Гагаузии, Молдовы и Турции. Кроме того, составлял для своих соплеменников словари, разговорники, переводил на гагаузский язык классиков соседних народов, старался, чтобы гагаузы лучше изучали не только свой родной и русский язык, но и государственный язык Республики Молдова.
Федор Ангели скончался 29 июня 2014 года в Кишиневе. Его могила находится на тамошнем Центральном (Армянском) кладбище.
Его имя с 2014 года носит Гайдарская гимназия, где в 1945–1952 годы наш славный земляк окончил 7 классов.
В 2024 году Научно-исследовательский центр Гагаузии имени М. В. Маруневич подготовил и издал сборник – «Todur Angeli: folklor tekstleri, istoriya sayfaları, sözlükçülük» (Федор Ангели: фольклорные тексты, страницы истории, лексикография). В данный сборник вошли труды Федора Ангели, которые связаны с дисциплинами гагаузоведения: устное народное творчество, исследования в области истории, подготовленные словарные материалы. В разделе «Персоналия» этой книги представлены воспоминания о Федоре Ангели, его библиография и фотографии.