Noyabrinin 4-dä Mihail Petroviç Guboglu, anılmış gagauz oolu, profesor, türkolog, paleograf, istoriyacı hem gagauzolog, tamannayaceydı 114 yaşını. Çadırda duuan vatandaşımızın var büük katkısı istoriya biliminin gelişmesindä, özelliklän dä osmanistika hem orta asirlär periodunda romın-türk ilişkilär uurunda.

Bilimcinin yaşamak hem yaradıcılık yolu pek meraklı hem önemni, onuştan olur olsun aaraştırmanın hem tiparlamanın ayırı teması. Burada nışannayalım onun bir payını. Mihail Petroviçin adı girdi Türkiya istoriyacılar asoţiaţiyanın yabancı korespondent azalar listesinä, onun bilim işleri sä derindän etkiledilär çoyu bilimcileri; 1955-1970 yıllarda, 15 yılın içindä, o çalışardı Romıniya devlet arhivindä baş arhivist görevindä...

Başlankı üüretimi Mihail Guboglu kabletti Çadırda. Başardı Bender liţeyini hem Çernoviţ universiteti filosofiya hem literatura fakultetinin istoriya bölümünü. Taa student yıllarında o derindän meraklanardı kendi halkının istoriyasınnan, koruyup 500 sayfalık diplom işini “Происхождение гагаузов” temasına. Taa sora o hazırladı “Гагаузы в свете истории” doktor disertaţiyasının el yazısını, neredä yaptı çıkış, ani gagauzlar poyraz priçernomorye türklerin evladlarıdır. Gagauzologiya için bilim-uygulamalı önemi olan bilimcinin bu işi tiparlandı Gagauziya M.V. Maruneviç adına BAM tarafından 2022 yılda iki dildä – rus hem romın.

Mihail Petroviçin temel bilim işleri sayılȇrlar çok tomnu kiyatlar: “Каталог турецких документов” (1960-1965), “Турецкие хроники по истории Румынии” (1966-1974), “Османо-турецкая палеография” (1958) hem bir sıra bilim işi, angıları yaptılar onu anılmış bütün dünnedä da tiparlandılar Romıniyada, Türkiyada, Franţiyada, Sovet Birliindä hem başka devletlerdä.

Mihail Petroviç Guboglunun yaşaması bilimä kärsız izmet örneyidir. Onun adını taşıyȇr Çadır-Lunga mun. liţeylerin biri, ona sa verildi ad Çadır-Lunganın saygılı vatandaşı. Hatır anılmış vatandaş için yaşȇȇr onun işlerindä hem evladların cannarında.

__________________________________________________________________

Михаил Петрович Губоглу –

профессор, тюрколог, историк, гагаузовед, сын гагаузского народа... (1911-1989)

4 ноября исполнилось бы 114 лет со дня рождения Михаила Петровича Губоглу, выдающегося представителя гагаузского народа, профессора, тюрколога, палеографа, историка и гагаузоведа. Наш земляк, уроженец Чадыр-Лунги, внёс неоценимый вклад в развитие исторической науки, особенно в области османистики и румыно-турецких отношений периода средневековья.

Страницы жизненного и творческого пути ученого столь интересны и знаменательны, что достойны стать предметом отдельной темы исследования и публикации. Отметим здесь некоторые из них. Михаил Петрович удостоился чести быть зачисленным в список иностранных членов-корреспондентов Ассоциации историков Турции, а его научные изыскания оказали огромное влияние на целую плеяду учёных; с 1955-го по 1970-й годы, на протяжении 15 лет, он занимал должность главного архивиста в Государственном архиве Румынии...

Начальное образование Михаил Губоглу получил в Чадыр-Лунге. Окончил Бендерский лицей и отделение истории факультета философии и литературы Черновицкого университета. Ещё в студенческие годы он проявил глубокий интерес к истории своего народа, защитив дипломную работу на тему «Происхождение гагаузов» объемом свыше 500 страниц. Позднее он подготовил рукопись докторской диссертации «Гагаузы в свете истории», в которой пришёл к выводу, что гагаузы являются потомками северо-причерноморских тюрок. Данный труд ученого, имеющий научно-прикладную значимость для гагаузоведения, был переиздан на двух языках – русском и румынском, в 2022-м году, под эгидой НИЦ Гагаузии им. М.В. Маруневич.

В число фундаментальных научных трудов Михаила Петровича входят многотомные издания «Каталог турецких документов» (1960-1965), «Турецкие хроники по истории Румынии» (1966-1974), «Османо-турецкая палеография» (1958) и еще целый ряд научных работ, которые принесли ему мировую известность и были изданы в Румынии, Турции, Франции, СССР и других странах.

Жизнь Михаила Петровича Губоглу – это пример беззаветного служения науке. В честь него одному из лицеев мун. Чадыр-Лунга было присвоено его имя, а сам он удостоен звания Почетный гражданин Чадыр-Лунги. Память о великом земляке продолжает жить в его трудах и сердцах последователей.