Gagauz halkının ecelindä önemni er kaplȇȇr politika hem cümnä zaametçisi Stepan Mihayloviç Topal. Onun adı sıkı baalı gagauz avtonomiyası kuruluşunnan, gagauz halkının haklarını hem özgünüünü korumaklan, zor vakıtta barışa, stabillää hem dialoga özenmäklän. Yanvarın 8-dä 2026 yılda Stepan Mihayloviç olaceydı 88 yaşında.

Büün anmaa Canabisini toplandı onnar, kim Stepan Mihayloviçlän omuz omuza güreşärdi gagauzların hakları için. Söz tuttular Gagauziyanın Bakannık Komiteti Başı yardımcısı, geçici olarak Halk Topluşu Başı, Gagauziyanın Aksakallar Nasaatı temsilcisi. Komrat blagoçiniyası popazları litiya okudular.

Stepan Mihayloviç herzaman gagauz istoriyasını hem kulturasını kasavetlän koruyardı, kalıp bitki günnerinädän kendi halkının alifli güreşçisi hem inanç oolu.